Órnekpen órilgen ómir

M. Jumabaev atyndaǵy Aqmola oblystyq ámbebap ǵylymi kitaphanasynda «Rýhani jańǵyrý» baǵdarlamasy aıasynda, «Qariıalardy qadirleý aılyǵyna» sáıkes, óńirimizdiń eńbek adamdarymen tanystyrý maqsatynda «ÓRNEKPEN ÓRILGEN ÓMIR» atty ónerimen Almaty, Nur Sultan qalalaryna tanylǵan kókshetaýlyqerekshe úlgidegi qolóner sheberi Ementaeva Úkijan Qaliakparqyzymen kezdesý keshi ótti. Kezdesý keshineSh.Ýálihanov atyndaǵy Kókshetaý memlekettik ýniversitetiniń,Aqan seri atyndaǵy Kókshetaý joǵary mádeniet kolledjiniń, Kókshetaý qalasynyń Joǵary tehnikalyq kolledjiniń kiim dizaıneri mamandyǵyna oqyp júrgen stýdentter qatysty.
Óner adamnyń dúnietanymyna, senimine, adamgershilik-moraldyq qasietterdiń qalyptasýyna, estetikalyq sezimine, alǵa qaıǵan maqsatynyń aıqyndalýyna áser etetini belgili.
Is-sharany qolónerge baılanysty ańyz áńgimelermen ushtastyra otyryp, «Ár oıу́dyń tili bar»- degen sózdiń mánin ashýǵa tyrystyq. Rasynda Úkijan apaıdyń árbir eńbegi tarihtyń belgili bir kezeńderine arnalǵan, sondaı-aq eńbekterinde sol kezdegi kóńil kúıin bildirýge tyrysqan.
Oıу́-órnek degenimiz – dáldik, esep, teńdik, teńeý, úılesim, jarasym, sándik, kórkemdik, parasattyq, zerektik, kóńilge shabyt, eptilik, iskerlik, sheberlik, ikemdilikke baýlidy, tárbieleıdi. Oıу́-órnek ónerge degen mahabbat, sulýlyqqa degen ǵashyqtyq, qushtarlyq jinaǵy.Qazirgitańda qazaqtyń qolóneri úlken suranysqa ie kásipterdiń biri, oıу́ órnek túrleri aıshyqtalǵan ádemi buıymdarǵa halyqtyń suranysy jyl ótken saıyn artyp keledi. Úkijan apanyń qolynan shyqqan buıymdar óńirimizde ótetin Naýryz meıramy siıaqty ulttyq merekeler men túrli kórmelerdińkórki ekeni daýsyz. Úkijan apa qolónerdi tabystyń kózi emes, atadan qalǵan mura dep sanaıdy.
Órnekpen órilgen ómirine ónerimen sholý jasaǵan Úkijan apaımen kezdesýge kelgen jastar ózi sanaly ǵumyryn feldsherlik mamandyqqa arnap, zeınetkerlikke jetken danalyq ǵumyrynda qol ónerine bet burǵan keıipkerge rizashylyq sezimderin bildirdi.
Shara barysynda kitaphana qyzmetkerleri qolónerge baılanysty ańyz áńgimelerdi oqyp,kitaphanamyzdaǵy qolónerge baılanysty ádebietterden uıymdastyrǵan kórmege qysqasha sholý jasaldy.
Olaı bolsa, qazaqtyń án óneri, qolóneri, zergerlik óneri óziniń tóltýma bitim qasietimen, kórkemdik mán-maǵynasymen shyn mánindegi halqymyzdyń ǵasyrlar taǵylymynan ótken asyl qazynasy. Osy asyl qazynany joǵaltpaı, ári qaraı damytý bizdiń bolashaq jastarymyzdyń mindeti. «Búgingi kásibiń – erteńgi násibiń»,- dep beker aıtylmaǵan. El arasynda sirep bara jatqan qolóner sheberleriniń týyndylaryn, kóne muralaryn taýyp, ony túrlendirip jańǵyrtý jáne ulttyq qolóner arqyly estetikalyq tárbie berýdiń birden-bir quramyna aınaldyrý bizdiń paryzymyz.

Leave a Reply

Your email address will not be published. Required fields are marked *