Aqmola oblysy Ishki saıasat basqarmasynyń qoldaýymen M.Jumabaev atyndaǵy Aqmola oblystyq ámbebap ǵylymi kitaphanasy «Rýhani jańǵyrý» aımaqtyq jobalyq keńsesimen birigip, «Rýhani jańǵyrý» baǵdarlamasynyń «Bilimniń saltanat qurýy» baǵyty aıasynda oqý mádenietin damytý jáne qoldaý, halyq arasynda úzdik kórkem ádebi shyǵarmalardy keńinen taratý maqsatynda 2019 jyldyń 7 qarashasynan 12 qarashasyna deıin «Kitap oqyp, rýhani baı bol!» atty Qazaq ádebietiniń altyn qoryna óziniń óshpes shyǵarmalarymen olja salǵan qabyrǵaly qalamger, Qazaqstannyń halyq jazýshysy, Memlekettik syılyqtyń laýreaty, sulý sózdiń súleıi – Sáken seri Júnisovtiń týǵanyna biyl 85 jyl tolýyna oraı shyǵarmalar baıqaýyn jariıalaǵan bolatyn.
Maqsaty: Qazaq rýhaniıatynyń kórnekti ókili, qazaq ádebietiniń klassigi Sáken seri Júnisovtyń shyǵarmashylyǵyn nasihattaý, qalamgerdiń esimin ulyqtaý jolyndaǵy rýhani, mádeni jumystardy jandandyrý, jas talanttardyń shyǵarmashylyǵyn qoldap, yntalandyrý.
6 kún ishinde kitaphanaǵa kelip túsken shyǵarmalarmen qazylar alqasy tolyq tanysyp shyqty. Baıqaýǵa Aqmola oblysynyń túrli eldi mekenderinen 13 avtor qatysty. Barlyq jumystar qyzyqty boldy. Qazylar alqasy 3 úzdik jumysty tańdady
13 qarashada saıystyń qorytyndysy shyǵaryldy. Tańdalǵan úzdik jumystar sahnadan oqylyp, kórermenderdiń daýys berýi arqyly jeńimpaz anyqtaldy. Oryndar tómendegideı belgilendi: I oryndy ielengen S.Júnisov atyndaǵy № 18 mektep-gimnaziıasynyń oqýshysy Gúlnaz Tursynbekovaǵa arnaıy diplom jáne mýzykalyq ortalyq tabystaldy; II oryndy Sh.Ýálihanov atyndaǵy QMÝ 3 kýrs stýdenti Erden Rahmet, III oryndy «Nur Otan» partiıasynyń baspasóz hatshysy Dinara Dúısen ielendi.
Jeńimpazdarǵa Aqmola oblysy Ishki saıasat basqarmasynyń diplomdarymen jáne baǵaly syılyqtarmen marapattaldy, oblystyq kitaphanadan barlyq qatysýshylarǵa sertifikattar men kitaptar syılyq paketinde tabys etildi.
