Облыстық кітапхана Наурыз мейрамымен құттықтайды!

21 наурыз күні Абылай хан алаңында көктемгі Наурыз мейрамына арналған салтанатты іс-шаралар өтті. Араға 2 жыл үзіліс салып алаңда іс-шара өткізу мүмкін болды. Мағжан Жұмабаев атындағы Ақмола облыстық әмбебап-ғылыми кітапханасы аталған шараларға белсене қатысты.

Киіз үйдің ішінде қаламыздың тұрғындарына кітапхананың қызметі, жетістіктері мен бай кітап қоры жайлы ақпарат берген түрлі кітап экспозициялары құрылды. Мағжан Жұмабаевтың атындағы облыстық кітапхана ақынның шығармашылығына қатысты кітаптарды ұсынды. Келген қонақтар бағалы әрі жиі кездесе бермейтін кітаптарға асқан қызығушылық танытты. Олардың жалпы саны – 1025 дана. Ал кішкентай қонақтарымызды балаларға арналған кітаптардың саналуандығы таң қалдырды. Экспозиция «мерейтойлық кітаптармен» тәмамдалды. Тап осы жылы қазақ жазушыларының ірі-ірі мерейтойлары атап өтіледі: Ахмет Байтұрсынұлының 150 жылдығы, Мұхтар Әуезовтың 125 жылдығы, Төлеген Қажыбаевтың 80 жылдығы.

Кітаптардан бөлек кітапхана қайта қалпына келтірген электронды басылымдар да ұсынылды. Барлық келушілерге кітаптар, балаларға кәмпиттер, бауырсақтар мен құрт таратылды. Жергілікті тұрғындардың баршасына көтеріңкі көңіл-күй сыйлау кітапхана ұжымының қолынан келді!

Leave a Reply

Your email address will not be published.