М. Жұмабаев атындағы АОӘҒК «Шамшырақ» бабалар коворкинг орталығының ұйымдастыруымен «Кітапты дұрыс таңда» атты ток-шоу өтті. Іс-шараға кітапхананың тұрақты оқырмандары қатысты. Аталмыш шара барысында «Бір ел – бір кітап» акциясы аясында таңдалған кітаптар жайлы мәлімет берілді. Балалар өздерінің сүйікті кейіпкерлері және кітаптары туралы өз ойларымен бөлісті. Өңіріміздегі жазушылар туралы ақпарат берілді. Әр түрлі жанрдағы кітаптар талқыланды. Оқырмандар назарына жаңа кітаптарға шолу жасалып, ұсыныстар айтылды.
