Мағжан Жұмабаев атындағы Ақмола облыстық әмбебап ғылыми кітапханасы №12 жалпы білім беретін мектепте Әйтеке бидің 380 жылдығына арналған «Әйтеке бидің шешендігі» атты тарихи кеш өткізді. Аталмыш іс-шара Әйтеке бидің шешендігі мен қазақ халқының дәстүрлі құқықтық жүйесіндегі орны туралы мағлұмат беру, ұлы тұлғаның тарихи маңызын оқушыларға түсіндіру мақсатында өтті. Шара барысында Әйтеке бидің өмірі, қызметі және шешендік өнері туралы қысқаша мәлімет берілді және оқушылар қойылған сұрақтарға жауап берді.
