3 сәуір күні М. Жұмабаев атындағы АОӘҒК, ақпараттық-библиографиялық бөлімінің қызметкерлері «Жұмысшы болашағы: арманнан кәсіпке» атты тақырыбында Мемлекет басшысы Қасым-Жомарт Тоқаевтың Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзін негізге ала отырып, «Еңбек адамы» ақпарат-time циклі аясында табысты еңбек етіп, жетістікке жеткен, өлкетанушы, шежіреші, тарихшы, Еңбек ардагері Қабыкен Қонқаевпен кездесу кешін ұйымдастырды. Қабыкен Қонқаев 1943 жылы 5 мамырда Зеренді ауданының орталығына жақын, небәрі 20 шақырым жерде орналасқан Ескене-Жал шағын ауылында дүниеге келген. Туған ауылының бастауыш мектебінде, содан кейін Көкшетау қаласында, қазіргі М.Ғабдуллин атындағы №3 қазақ мектебінде оқыған. 1973 ж Алматы қаласының ҚазМУ университетінің тарих факультетін тәмәмдаған.Еңбек жолын өлке тарихына арнаған “Қайранкөл” атты кітабының авторы. Екінші кітабы жерлесі Зрендінің алғашқы тұрғыны Құрман Жүнісовке арналған. Сонымен қатар мерзімді басылым беттеріне жариялаған еңбектері бар.
Кештің мақсаты. Жас ұрпаққа рухани азық беру. Еңбек арқылы жетістікке жету, қоғамға араласу, елінің тарихы мен мәдениетіне көңіл бөлу, отанға деген сезімі мен сүйіспеншілігін арттыру.
Қатысушылар: Зейнеткер, еңбек ардагері, бұқаралық ақпарат құралдарының саласында еңбек еткен Сайдалин Марат Сабыржанұлы, Ш. Уәлиханов атындағы тарих факультетінің студенттері, БАҚ өкілдері.