Орталық қалалық кітапхананың ақпаратты-библиографиялық бөлімі Отбасы күніне орай «Отбасы – тәрбие бастауы» атты көше акциясын өткізді. Қала тұрғындарына «Бақытты отбасының 10 ережесі» атты буклеттер таратылып, отбасы өміріндегі басты құндылықтар туралы сұрақтар қойылды. Жас та, тәжірибелі жұптар да бір пікірге келді: отбасы бақыты – сыйластықта, өзара түсіністікте және бір-бірін тыңдай білуде. Балаларға түрлі-түсті шарлар сыйға беріліп, ересектерге отбасы амандығы мен бақыт тілектерін жеткізді.
