8 қазан Ақмола облысының мемлекеттік кітапханалар желісіне біріктірілген 20 орталықтандырылған кітапхана жүйесіне қарасты 329 кітапхананың шығармашылық қызметкерлері сағат 10:00-де «Ұлттық диктантқа» бір мезгілде қатысты.
Бұл іс-шараны «Қазақ тілі» қоғамдық бірлестігі ұйымдастырды және ол Қазақстан халқы тілдері күніне әрі халық мұғалімі Ахмет Байтұрсынұлының туған күніне арналды. Диктант онлайн және офлайн форматтарында өтті. Қатысушылар мемлекеттік тілді меңгеру деңгейіне байланысты екі мәтіннің бірін — «Оқу жайы» немесе «Отан» — таңдады. Облыс кітапханаларының қызметкерлерінің басым бөлігі дәстүрлі офлайн форматты таңдады.
Іс-шараға 1450 шығармашылық қызметкер, сондай-ақ мемлекеттік қызметшілер, кітапхана оқырмандары мен аудан және қала тұрғындары қатысты. Олар мемлекеттік тілді жақсы меңгергендерін көрсетті: шығармашылық ұжымның 35%-ы бес балдық жүйе бойынша «5» деген баға алды, 60%-ы «4», ал небәрі 5%-ы «3» деген бағаға ие болды.
Мұндай іс-шаралар қатысушылардың мемлекеттік тілді үйренуге деген ынтасын арттырады.
