Мағжан Жұмабаев атындағы Ақмола облыстық әмбебап ғылыми кітапханасыБіржан сал атындағы музыкалық колледжімен бірлесіп ақиық ақын, аудармашы Мұқағали Мақатаевтың шығармашылығына арналған іс-шара өткізді. Жастың да, үлкеннің де жүрегінен бірдей орын алған, барша қазақтың сүйікті ақынына арналған «Әр өлеңі –бір әлем»аттыпоэзиялық әдеби-сазды кеш өтті.
Аталмыш іс-шараға Біржан сал колледжінің 1-2 курс студенттері қатысты. Кеш Құрманғазының «Адай» күйімен ашылды. Сондай-ақ, мұзбалақақынның шығармашылығын сүйіп оқитын, ақын болуды армандап, өз әлінше қалам тартып, ізденіп жүрген жастар қатысып, өздерінің көңілдеріне жақын «Шыда, шыда», «Қазынам бар», «Махаббат па?» және басқа да өлеңдерін оқыды. Іс-шара қатысушыларынМұқағали Мақатаевтың маржан поэзиясы, мәңгі өшпес асыл мұрасы, өлеңдерінің құдіреті біріктірді.