Мағжан Жұмабаев атындағы Ақмола облыстық әмбебап ғылыми кітапханасы Ақан сері атындағы жоғары мәдениет колледжінің студенттерімен ақын, композитор Иманжүсіп Құтпанұлының 162 жылдығына арналған «Даланың дара дүлділі» атты дөңгелек үстел өткізді. Іс-шара Иманжүсіп Құтпанұлының өмір жолын, шығармашылығын жас ұрпаққа кеңінен таныту, ұлт руханиятына қосқан үлесін дәріптеу мақсатында өтті. Шара барысында кітапхана қызметкері Иманжүсіп Құтпанұлының өмірбаяны мен шығармашылық мұрасына шолу жасады.
