 Жазушы Рахимов Хажымұрат 1924 жылы 23 ақпанда Ақмола қаласында туған. 1941 жылы Ақмоладағы №2 орта мектепті бітіргесін, үш айлық мұғалімдер курсына түседі. Бұдан соң біраз уақыт мұғалімдік қызмет атқарады. 1942 жылы әскер қатарына шақырылып, Ұлы Отан соғысына қатысады. 1943 жылы ауыр жараланып, емделіп шыққан соң, Пенза облысына тылдағы әскери бөлімнің құрамына жіберіледі. Ал, 1945 жылы әскер қатарынан босатылғаннан кейін Атырау облысының облыстық газетіне тілші болып орналасады. 1946 жылдан бастап осы газетте жауапты хатшы, кейіннен бөлім меңгерушісі болып жемісті еңбек етті. 1951 жылы отбасына байланысты Ақмола қаласына көшіп келген соң, облыстық «Есіл правдасы» газетінде, Целиноград телестудиясында редактор болып қазмет атқарды. Х.Рахимов әдебиетке елуінші жылдардың аяқ шенінде келіп қосылды. Өз творчестволық жолын шағын новелла, сатиралық әңгімелерден бастаған жерлес қаламер – бірнеше повесть, романдардың авторы. Жазушының тұңғыш көлемді шығармасы – «Қарлығаштар» повесі. Ол 1962 жылы жарық көрді. Повесте жастардың тыңдағы еңбегі, олардың қуаныш – сүйініштері, өмірдегі сәтті кезеңдері мен сәтсіздіктері шынайы суреттелген. 1969 жылы Х.Рахимовтың «Полк туы» атты кітабы басылып шықты. Оған қоршауда қалған бір топ кеңес жауынгерлерінің жанқиярлық ерлігі арқау болған. Повестің бас кейіпкері Кемал жау қоршауынан полк туын аман алып шығады. Шығарманың тәрбиелік ықпалы зор. 1972 жылы жарық көрген жазушының «Қызғалдақ» атты кітабы да әскери патриоттық тақырыпқа арналған. Жазушы Х.Рахимов творчествосына тән қасиеттердің бірі-ізденгіштік. Осы орайда оның туған өлке тарихына арналған «Сеңгір сырлары» трилогиясының орны бөлек. Бұл жазушы шығармашылығының шоқтығы биік шыңы іспеттес. Шығарманың Қазақстан Жазушыларының VIII съезінде тарихи – ревалюциялық тақырыпқа жазылған сәтті туындылар қатарында аталып өтілуі де соның бір дәлелі болса керек. Трилогияда қазақ даласындағы 1916 жылғы «маусым жарлығына» қарсы күрес шебер көркемдік шешімін тапқан. Халық тағдырына қатысты бұл оқиғалар кейіпкерлер тағдыры арқылы жан-жақты ашыла түскен. Ұлы Отан соғысы тақырыбына арналған «Бақытым менің – Балсары» атты романы. Сонау сұрапыл соғыс жылдары сүйікті Отанын зұлым жаудан қорғаған қаруын бейбіт күнде жазушы қаламына алмастырған. Х.Рахимовтың Отан алдындағы еңбегі үшін бірнеше медальдармен марапатталған. |
Писатель Рахимов Хажимурат родился 23 февраля 1924 года в г. Акмола. В 1941 году окончил среднюю школу №2 в Акмолинске, поступил на трехмесячный курс учителя. После этого некоторое время работал преподавателем. В 1942 году был призван в армию и участвовал в Великой Отечественной войне. В 1943 году после тяжелого ранения и лечения был направлен в Пензенскую область в состав воинской части тыла. После увольнения из армии в 1945 году работал корреспондентом областной газеты Атырауской области. С 1946 года плодотворно работал в этой газете ответственным секретарем, а затем заведующим отделом. В 1951 году по семейным обстоятельствам переехал в г. Акмола, работал редактором областной газеты «Есиль правда», Целиноградской телестудии. |
|