2024 жылдың 12 қаңтар күні Мағжан Жұмабаев атындағы Ақмола облыстық әмбебап ғылыми кітапханасы Мағжан Жұмабаевқа арналған «Ақынның ақыны – Мағжан» атты әдеби кеш өткізді.
Іс-шара ақын, Алаш қайраткері Мағжан Жұмабаевтың тұлғасын дәріптеу, оның шығармашылығын насихаттау мақсатында өтті.
Іс-шараға №12 мектебінің 9 сынып оқушылары қатысты. Олар ақынның өмірі мен шығармашылығы, кейінгі ұрпаққа қалдырған әдеби мұрасы жайлы мәліметтермен бөлісті. Шара барысында оқушылар ақынның өлеңдерін жатқа оқыды.
Іс-шара соңында оқушылар кітапханаға байланысты көкейлерінде жүрген сұрақтарына жауап алды