2020 жылдың 28- қаңтарында М. Жұмабаев атындағы АОӘҒК-сының өнер саласындағы әдебиеттер залында танымал әнші, Қазақстанның еңбек сіңірген қайраткері, ерекше дауыс иегері Димаш Құдайбергенге арналған музыкалық кеш өткізілді.
Димаш – қазақ елінің шын патриоты. Димаштың әр айтқан әнінде, сөйлеген сөзінде, мәнерінде елге, жерге, халыққа деген махаббат, шексіз сүйіспеншілік жатқандығын байқауға болады. Димаш – қазақ трихында есімі алтын әріптермен жазылатын тұлға. Димаш жастарға үлгі болатын азамат.
Кеш барысында жиналған оқырмандар үшін «Махаббат бер маған», «Любовь уставших лебедей», «Ұмытылмас күн», «Жұлдызым», «Любовь похожая на сон», «Дайдидау» туындыларынан бейнероликтер ұсынылды. Кеште Димаш Құдайбергеннің өмірі мен шығармашылығынан мағлұмат беретін журналдардан ақпараттық көрме дайындалды.
Кеш соңында викториналық ойындар өткізіліп, дастархан жайылды. Ұйымдастырушылардан естелікке күнтізбелер сыйға тартылды. Осы кештің өткізілуіне демеушілік жасаған «Той Дастархан» ЖШС мен «Аспект» жарнама агенттігіне алғыс білдіреміз.
