12 қаңтар күні Мағжан Жұмабаев атындағы Ақмола облыстық әмбебап ғылыми кітапханасы Дінмұхамед Ахметұлы Қонаевтың өмірі мен еңбек жолы туралы «Ел мақтайтын нар тұлға» атты тарихи кеш өткізді. Іс-шараның мақсаты – тарихи тұлғаның ел дамуына қосқан үлесін, ел үшін атқарған қызметін насихаттау. Аталмыш шараға №12 жалпы білім беретін мектеп оқушыларымен мұғалімдері, кітапхана оқырмандары қатысты.
Іс-шара барысында слайд-презентация көрсетіліп, Қонаевтың ел дамуына қосқан еңбектері, әсіресе өнеркәсіп, ғылым және мәдениет салаларындағы жетістіктері атап өтілді. Сонымен қатар, оның адами қасиеттері, қарапайымдылығы мен елге қызмет етудегі жауапкершілігі туралы мәліметтер айтылды.
