Астана қаласындағы Қазақстан Республикасының Ұлттық Академиялық кітапханасы 2024 жылғы 21 қарашада «Жас кітапханашы – 2024: жаңа мүмкіндіктер уақыты 3.0» атты жас кітапханашылардың іскерлік кездесуін өткізіп жатыр.
Шараның мақсаты – кітапханашылардың шығармашылық жетістіктерін айқындау, кітапханашының имиджін нығайту, идеялары мен әдістеріне
қолдау білдіріп, тәжірибе алмасуына ықпал ету.
Іскерлік кездесу аясында әр өңірден келген 19-35 жас аралығындағы мамандар Networking алаңында үздік жобаларымен (TEDx форматында) бөлісіп, «AI- кітапхана саласында», «Кітапхана менеджменті», «Кітапхана тынысы – ақпарат ағымында» т.б тренинг-сессияларға қатысуда.
Ақмола облысы мемлекеттік кітапханалар жүйесі бойынша 4 аудандық 2 қалалық кітапхананың жас кітапханашылары өз жобаларын ұсынды.
І турдың нәтижиесі бойынша Степногорск қалалық кітапхананың жас кітапханашылары Жақсылықова Толқын Нұржанқызы мен Амреева Аягоз Ермекқызының «ЖаИн» бірлескен жобасы үздік 12 жобаның қатарына енді. Қатысушыларымызға алда өтетін ІІ турда сәттілік тілейміз!