Мағжан Жұмабаев атындағы Ақмола облыстық әмбебап ғылыми кітапханасы Әдебиет және өнер музейінде қазақтың ардақты ұлы, жазушы, дарынды драматург Сәкен Сейфуллиннің 130 жылдығына орай «Кербез Көкшенің ақиығы — Сәкен Сейфуллин» атты оқырман конференциясын өткізді. Аталмыш іс-шараға ақын, облыстық оқу-әдістемелік орталығының қызметкері Рамазан Бауыржанұлы мен Ш. Уәлиханов атындағы колледждің студенттері қатысты. Іс-шарада Сәкен Сейфуллиннің шығармашылығы жайлы деректер айтылды және өлеңдері оқылды. Рамазан Бауыржанұлы Сәкен Сейфуллин өлеңдеріндегі жаңашылдық жайлы баяндады. Студенттер де өз білгендерімен бөлісті.