Қыркүйек айынан бастап М.Жұмабаев атындағы Ақмола облыстық кітапханасына жаңа леп кіріп, кітапхана студенттердің сүйікті орындарына айналды. Онда түрлі тақырыпта дебаттар өткізіліп, қаладағы түрлі ЖОО студенттері кездесіп, танысып, пікірталасып сабақтан бос уақыттарын көңілді, рухани баюмен өткізеді.
Бүгін, 6 қыркүйекте Ш.Уәлиханов атындағы Көкшетау университетінің және Университет жанындағы көпсалалы колледждің 1 курс студенттерімен кездесу ұйымдастырылды. Нұркина Нұрсұлу бастаған Ақмола облыстық «Думан» педагогикалық отрядының ұйымдастырушылары студенттермен таныстық, команда құру бойынша түрлі форматтағы жаттығулар, ойындар өткізді.
Ағымдағы жылдың 1қазанынан бастап Ақмола облыстық «Jas Otan» Жастар қанаты «Еріктілер мектебі» жобасын іске қосты. Жоба аясында жас еріктілер екі ай бойы 10 бағытта сабақ оқитын болады. Бүгін еріктілер алғашқы сабақтарын өткізді.