Мағжан Жұмабаев атындағы Ақмола облыстық әмбебап ғылыми кітапханасы Халықаралық балалар кітап апталығы аясында №21 мектеп-лицейінің 4 сынып оқушыларына «Кітап білім бұлағы» атты танымдық – квест ойын өткізді.
Шара кезінде оқушыларға қызықты викториналық, логикалық сұрақтар қойылды. Кітаптың шығу тарихы бойынша ақпарат берілді. Балалар өздерінің ұшқырлығын, алғырлығын көрсете білді. Барлық сұрақтарға дұрыс жауап беріп, ойындарға белсене қатысты. Өздері де құр алақан емес екендерін көрсетіп, қыздар вокалдық тобы «Алтын бесік» әнін шырқаса, Қазез Айша «Балбырауын», Бейбіт Мөлдір «Кеңес» күйін шертті. Оқушылар Абай, Ыбырай, Мұқағали өлеңдерін жатқа оқыды. Осы іс-шараға оқушыларды дайындаған сынып жетекшісі Мендігүл Жамановаға алғыс білдіреміз.
Шара соңында оқушыларға жергілікті «Гормолзавод» мекемесінің атынан балаларға балмұздақ таратылды. Аталмыш кәсіпорын балалар әдебиеті апталығына демеушілік көрсетуде.