2023 жылдың 15 маусым күні Мағжан Жұмабаев атындағы Ақмола облыстық кітапхананың шетел тілдеріндегі әдебиеттер бөлімінде «Полиглот» жобасы аясында «Кітап әлеміне саяхат. Путешествие в мир книг» тақырыбында кездесу өтті.
Бала кезінен ата-аналар мен тәрбиешілер балаларды кітап оқуға баулығандықтан, «кітап – адамның досы» екенін кез-келген бала біледі.
Кітап та біздің өмірімізде ауа, су мен нан сияқты маңызды нәрселердің бірі болып табылады. Кітапты парақтап отырып, бізді қызықтыратын, сан алуан үлкен әлем адамның көз алдына шығады.
Іс-шара кезінде «Кітап пен Ғаламтор» тақырыбына пікірталас өткізілді. Ол үшін қатысушылар екі топқа бөлінді, олардың бірі кітап оқудың пайдасын, ал екіншісі интернетті жақтады.
Бір бірінің әдеби талғамын білу өте қызықты және танымды болды, сондай-ақ балалар «Лишь коснёшься ты земли, Будь, по-моему, вели» атты өлеңде айтылғандай өз «армандарын» жазды.
Қатысушылар ойыннан күш-қуат алып, жақсы көңіл-күйге бөленді!