20 қараша күні Көкшетау қаласының №12 мектебінде Мағжан Жұмабаевтың 130 жылдығына орай онлайн теле-көпір өтті.
Аталмыш теле-көпірге арнайы шақырылған кітапхана қызметкері Оралбек Есімұлы қатысып, Мағжан Жұмабаев атындағы Ақмола облыстық әмбебап ғылыми кітапханасының тарихы жайлы сөз сөйледі. Кітапханамыздың тұрақты оқырманы, Мағжан оқуларының бірнеше дүркін жеңімпазы Қайрат Мадина ақынның өлеңдерін жатқа оқып, көрермен көзайымы болды.
Мағжан Жұмабаевтың туған жері Солтүстік Қазақстан облысы Сартомар орта мектеп ұжымы теле-көпірге қатысып, ақынның өмірі мен шығармашылығына тоқталды.
Ақмола облысы бойынша «Өрлеу» БАҰО аға оқытушысы Сүйіндікова Баян Сәбитқызы Сартомар орта мектеп ұжымының қажырлы еңбектерін бағалап, сәттілік тіледі.
№ 12 орта мектептің ұжымы ұйымдастырған теле-көпір өте жоғары деңгейде өтті. Оқытушылар мен оқушылар ақынның өлеңдерін жатқа оқып, Мағжан Жұмабаевтың шығармашылығын сүйіп оқитындарын байқадық.