1 сәуір Қазақ музыкасының сайыпқыраны, Нұрғиса Атабайұлы Тілендиевтің туған күні. Мағжан Жұмабаев атындағы Ақмола облыстық әмбебап ғылыми кітапханасының өнер әдебиеттері бөлімі әйгілі күйші композитор, дирижер, домбырашы, әнші Нұрғиса Тілендиевтің 100 жылдығына «Тектіден текті туар…» портреттік кеш ұйымдастырды. Шарада Bolashag Saraiy шығармашылық бөлімінің «Үкілі домбыра», «Күншуақ» домбыра үйірмелерінің білім алаушыларына сазгердің шығармашылығы туралы ақпарат берілді. Кітап қорындағы «Ғасыр сазын тербеген», «Нұр шапақ», естеліктер, «Нұрғиса Тілендиев» кітап-альбом, «Құстар», «Алатау» әндер жинақтары таныстырылды.
