2 сәуір күні Мағжан Жұмабаев атындағы Ақмола облыстық әмбебап ғылыми кітапханасында балалар кітап апталығы бастауын алды, бұл дегенiмiз, балалар мен жасөспiрiмдерге арналған танымдық және мерекелiк iс-шаралар бiр жұма бойы өткiзiледi. Халықаралық балалар кiтап апталығы 1956 жылдан бастап Халықаралық кеңестiң шешiмiмен жыл сайын дат жазушысы Ханс Кристиан Андерсеннiң туған күнiне орай атап өтiледi.
2025 жылдың 2 сәуір күні М. Жұмабаев атындағы Ақмола облыстық әмбебап ғылыми кітапханасы мен №12 жалпы білім беретін мектеп бірлесе отыра, аталмыш білім ордасының қабырғасында Халықаралық балалар кітабы күніне орай кітап апталығының ашылу салтанатын өткізді. Оған бастауыш сынып оқушылары қатысты. Балалар қазақ әдебиетінің белгілі ақындарының өлеңдерін жатқа айтып, әннен шашу шашты. Балалардың назарына кітап көрмесі ұсынылды. Оқушылар өздерінің білім көкжиектерін көрсетіп, кітапханашылар дайындап келген викториналық сұрақтарға дұрыс және тез жауап берді. Бұл күні ешбір бала сыйлықсыз қалмады. Ашылу салтанатына «Гормолзавод» ЖШС демеушілік көрсетіп, оқушыларға балмұздақтар таратылды.