26 наурыз куні Мағжан Жұмабаев атындағы Ақмола облыстық әмбебап ғылыми кітапханасы Көкшетау «Арна» колледжінің студенттерімен Ш.Уәлихановтың 190 жылдығына арнап «Ұлт зиялысы — Шоқан Уәлиханов» атты портреттік кеш өткізді. Іс-шара ұлы ғалымның өмірі мен шығармашылығын насихаттау, жас ұрпаққа оның ғылыми еңбектерінің маңыздылығын түсіндіру мақсатында өтті.
Кеш барысында студенттерге Шоқан Уәлихановтың өмір жолы, саяхаттары, зерттеулері және қазақ мәдениетіне қосқан үлесі туралы жан-жақты мағлұмат берілді. Кітапхана қызметкері ғалымның еңбектеріне шолу жасап, оның мұрасын зерттеуші ғалымдардың пікірлерімен бөлісті.