24 қазанда барлық шығармашылық кітапхана қызметкерлері атап өтетін кәсіби мереке – Кітапханашы күні. Кітапханашы күні қарсаңында Мағжан Жұмабаев атындағы Ақмола облыстық әмбебап ғылыми кітапханасының директоры – Оспанов Қуаныш Ерғалиұлы Қазақстан Республикасының Ұлттық кітапханасы жанынан құрылған «Қазақстан Кітапхана одағы» заңды тұлғалар бірлестігінен 5 «Қазақстанның құрметті кітапханашысы» төсбелгісін табыстады. Мекеменің 5 шығармашылық қызметкері осындай жоғары атаққа ие болды: Жезлова Елена Николаевна – Ақмола облысының кітапханаларды дамыту бөлімінің басшысы, Серкенова Аяулым Мұханбетқалиқызы – Ақмола облысының кітапханаларды дамыту бөлімінің әдіскері, Башарова Сәуле Хайроловна – негізгі қорды сақтау бөлімінің басшысы, Шарипова Баршагуль Далабаевна – ақпараттық – библиографиялық бөлімнің өлкетану секторының меңгерушісі, Ивахина Махабат Қайырбекқызы- оқырмандарға қызмет көрсету бөлімінің басшысы. Әріптестерімізді лайықты марапаттарымен құттықтаймыз.
