2024 жылдың 27 ақпаны күні Көкшетау қаласының №4 жалпы орта білім беретін мектебі ақын, Алаш қайраткері, қазақ поэзиясының жарық жұлдызы Мағжан Жұмабаевтың өмірі мен шығармашылығына арнап «Мағжан Жұмабаев шығармашылығы – руханият пен патриотизмнің эталоны» атты ғылыми конференция ұйымдастырды.
Аталмыш конференцияға М. Жұмабаев атындағы Ақмола облыстық әмбебап ғылыми кітапханасының балалар әдебиеті секторы меңгерушісі Оралбек Есімұлы арнайы шақырылып, «Мағжан – ақынның ақыны» атты баяндама оқыды және ақынның кітаптарына қысқаша шолу жасады.
Мектеп оқушылары Мағжан атамыздың өлеңдерін жатқа оқып, бойларындағы қазақылық пен ұлтжандылықты көрсетті. Білім ошағының мұғалімдері де Мағжан Жұмабаевты басқа қырынан танып, оқушыларға тың деректер берді.
Мектеп басшылығы алдағы уақытта кітапханамен тығыз байланыста жұмыс істейтіндерін айтып, алғыстарын білдірді.