Бүгін «Сәлем Елорда» ІІ фестивалінің екінші күні одан әрі жалғасып жатыр. Таңертең Ұлттық кітапханадан келген қонақтарымыз жұмыс күнін Көкшетау телевидениесіне сұхбат беруден бастады. Сосын М.Жұмабаев атындағы облыстық кітапханаға келіп, шеберлік сыныптарын бастады.
Қазақстан Республикасы Ұлттық кітапханасының директоры Оспанова Бақытжамал Қайырбекқызы Ұлттық кітапханада құрылған «Қазақстандық кітапханалық одақ» туралы сөз қозғап, одақтың не үшін құрылғаны, оның қандай жұмыстарды жоспарлап отырғаны жайында, Одақта атқарылған жұмыстар туралы кеңінен әңгімелеп берді.
Қазақстан Республикасы Ұлттық кітапханасының ғылыми әдістемелік бөлімінің басшысы Махамбетова Гүлмира Абылайханқызы «Қазақстан Республикасы кітапханаларының қызметін нормативтік құқықтық реттеу» тақырыбында шеберлік сыныбын өткізді.