Мағжан Жұмабаев атындағы Ақмола облыстық әмбебап ғылыми кітапханасы 25 желтоқсан күні кітапхана оқырманының кітап оқуға деген қызығушылығын ояту, жеке шығармашылықтарын дамыту, кітапқа деген құрметі мен махаббатын шыңдау мақсатында «Үздік оқырман – 2024» атты бенефис өткізді. Бұл бенефис жыл сайын дәстүрлі түрде өткізіледі және оның жеңімпазы болу үшін оқырман қауым ерекше ынта-жігермен қатысады.
Сондай-ақ кітапхананың басқа да іс-шараларына белсене қатысқан бүлдіршіндеріміз бен ересек оқырманымыз да марапатталды. Атап айтар болсақ, №21 мектеп-лицейінің оқушылары – Жәнібек Кәмшат пен Қайрат Мадина, №2 мектеп-лицейінің оқушысы Хамзе Арсен, №6 мектеп-лицейінің оқушысы Склярова Маргарита, ең кішкентй оқырман Перминов Родион өздерінің білімділігімен көзге түсіп, белсенділік танытқандары үшін марапатталды.
Кітапханаға үздіксіз кеп, түрлі жанрдағы кітаптарды оқып, өзінің кітапқұмарлығын танытқаны үшін «Жыл оқырманы – 2024» номинациясымен Муслимов Мамбетали марапатталды.
Шоқан Уәлиханов атындағы университеттің 4 курс медицина факультетінің студентті Мұсылман Аружан «Болашағы зор оқырман – 2024» номинациясын иеленді.
«Оқырманға қызмет көрсету» бөлімінің жиі келетін оқырманы Закирьянов Ринат «Тұрақты оқырман – 2024» номинациясы бойынша жеңімпаз болса, Исенкенева Айнагүл «Белсенді оқырман» номинациясымен марапатталды. «Оқырман отбасы – 2024» номинациясын Корчагина Айгүл иеленді, себебі өзі мен балалары нағыз кітапқұмар жандар.
Іс-шара соңында жеңімпаздар кітапханаға, кітапхана қызметкерлеріне деген тілектерін жаудырды. Іс-шараның бас демеушісі «Садовое» сүт зауыты.