18 сәуірде Ақмола облыстық әмбебап ғылыми кітапханасында 23 сәуір – Ұлттық кітап күніне арналған «Кітап – ұлттың рухани тірегі» фестивалінің «Kitap Avenue» бесінші күні аясында «Кітапхана түні – Ночь в библиотеке» акциясы өтті.
Шетел әдебиеттері бөлімінде «Қытайдың шай рәсімі.Chinese Tea Ceremony» қытай стиліндегі шай рәсімі өтті. Қытайлық шай рәсімі-бұл шай жасау процесі ғана емес, терең философиялық мағынаға толы өнер. Мың жылдан астам уақытқа созылған бұл дәстүр қытай мәдениетінің ажырамас бөлігіне айналды. Ол үйлесімділікті, құрмет пен тыныштықты бейнелейді және даосизм мен буддизм идеяларымен тығыз байланысты. Іс-шара қонақтары дәмді шай мен ұлттық тағамдардан дәм татуға, сондай-ақ қытай халқының әдет-ғұрыптары мен дәстүрлері туралы көп білуге мүмкіндік алды.
