2019 jyldyń 10 jeltoqsanynda M.Jumabaev atyndaǵy Aqmola oblystyq ámbebap ǵylymi kitaphanasyndaosy Jeltoqsan kóterilisine qatysyp, elimizdiń egemendik alý jolynda kúresken «Jeltoqsan aqiqaty» qoǵamdyq patriottyq qozǵalysynyń Aqmola oblystyq filialynyń músheleri – Sh.Ýálihanov atyndaǵy Kókshetaý memlekettik ýniversitetiniń aǵa oqytýshysy Súgiráliev Dáýit Toǵaıuly, «JarDaý» JShS direktor orynbasary Jarylǵasov Altynbek Qasymuly, «Shaǵalaly» JShS slesar-mehanigiSabanov Tóleý jánejeke kásipker Nurǵaliev Saǵat Lashyntaıulynyń qatysýymen 16 jeltoqsan – Táýelsizdik kúni merekesine arnalǵan «Azattyqtyń aq tańy» atty patriottyq kesh ótti.
Is-sharaǵa Kókshetaý tehnikalyq institýtynyń stýdentteri, qazaq-túrik litseıiniń jáne 17 mektep oqýshylary qatysty.
«Jeltoqsan aqiqaty» qoǵamdyq qozǵalysynyń patriottary Dáýit Toǵaıuly Almatynyń Abaı atyndaǵy pedagogikalyq institýtynyń qabyrǵasynda júrip qalaı kóteriliske qalaı qatysqanyn, jastardyń sol kezde qandaı jaǵdaıda bolǵandaryn, olardaǵy ulttyq rýhtyń myqtylyǵyn, ásirese sol sátterdegi qyzdardyń namys-jigerleriniń joǵarylyǵyn áserli baıandady. Altynbek Qasymuly, Tóleý Sabanov jáne Saǵat Lashyntaıuly Almatydaǵy kóterilistiń dúmpýi osy Kókshetaýǵa jetip, jastardyń munda da qozǵalysqa atsalysqandaryn, qanshama jastardyń jazyqsyz jazalanyp, oqýdan qýylǵandaryn, ózderiniń bastarynan ótken qiyn kezeńderin mysal ete kele, búgingi jastarǵa eliniń patriottary, qorǵanyshy bolýlaryna tilek bildirdi.Qonaqtardyń áserli áńgimesimen qatar KTI stýdentteriniń merekelik is-sharaǵa daıyndap kelgen kontserttik baǵdarlamasy kópshiliktiń kóńilinen shyqty.
M.Jumabaev atyndaǵy Aqmola oblystyq ámbebap ǵylymi kitaphanasynyń basshysy atynan «Jeltoqsan aqiqaty» qoǵamdyq qozǵalysynyń patriottarynaigi isterdiń basynan tabylyp, jastardy patriottyq rýhta tárbieleýge qosyp júrgen úlesteriúshin alǵysyn bildirdi, estelik syılyqtar tabys etti.
Keshtiń sońy jalyndy jastardyń oryndaǵan bar qazaqtyń rýhyn asqaqtatatyn «Atameken» ánimen kóterińki kóńilde aıaqtaldy. Arnaıy shaqyrylǵan qonaqtar, qatysqan stýdent jastar men oqýshylar keshtiń áserli ótkenine rizashylyqtaryn bildirip tarady.
