2019 jyldyń 22 jeltoqsanynda M. Jumabaev atyndaǵy Aqmola oblystyq ámbebap ǵylymi kitaphanasynyń shetel tilderindegi ádebietter bóliminde Rojdestvo merekesine oraı «Funny English» balalar aǵylshyn klýbynyń ashyq otyrysy ótti. Biz kóptegen halyqtar beıbitshilik pen kelisimde ómir súretin kópultty memlekette ómir súremiz. Qazaqstanda turatyn kóptegen adamdar katoliktik Rojdestvo merekesin toılaıdy jáne osy otyrysta biz balalardy osy jarqyn otbasy merekesimen tanystyrǵymyz keledi.
Bizdiń otyrys balalar men olardyń ata-analarymen sálemdesýden, tanysýdan bastaldy. Osylaısha, biz leksikany qaıtaladyq jáne bekittik.
Osydan keıin biz «Rojdestvo. CHRISTMAS DAY» taqyrybyn talqylaýǵa kiristik. Ol úshin bizdiń qatysýshylarǵa Rojdestvonyń shyǵý tegi jáne ony búkil álem boıynsha toılaý dástúri týraly slaıd kórsetildi. Odan ári biz balalarmen taqyryp boıynsha bolashaqta mindetti túrde kezdesetin jańa sózdermen jáne sóılemderdi zerdeledik. Sonymen qatar, biz dástúrli, eń tanymal «Jingle Bells» Rojdestvolyq ánin úırendik, ol bizdiń qatysýshylarymyzdyń eshqaısysyn beı-jaı qaldyrmady. Barlyǵy osy qyzyqty ándi jan-jaqty shyrqady, tipti ata-analar da sózderdi bilmesede án aıtýǵa tyrysty.
Otyrys asa áserli jáne qyzyqty bolýy úshin, biz barlyǵymyz birdeı ertegi keıipkerleriniń kostıу́mderi men elementterine kidik. Klýb qatysýshylary ótken otyrystarda aldyn ala úırengen qys týraly óleńderin oqydy, sonymen qatar balalar jańa jyl qarsańynda daıyndaǵan óz buıymdaryn usyndy jáne olardy daıyndaý boıynsha master-klass ótkizdi. Barlyǵy belsendi qatysty jáne sol úshin tátti syılyqtar aldy. Osy kóńildi notada biz fotosessiıaǵa kiristik.
