Qazaqstan Respýblikasy halyqtarynyń tilder merekesi kúnine oraı jyl saıyn bolatyn tilder aptalyǵyn ótkizýden M.Jumabaev atyndaǵy AOÁǴK-sy biyl da qalys qalmady. Kitaphana qyzmetkerleriniń muryndyq bolýymen 2019 jyldyń qyrkúıek aıynyń 9-y kúni Sh.Ýalihanov atyndaǵy KMÝ-men «Ózge tildiń bárin bil, óz tilińdi qurmette» atty taqyrypta dóńgelek ústel ótti. 10-shy qyrkúıek kúni №6 mektep-litseıinde «Ana tilińaryń bul…» atty tanymdyq saǵat, al M.Ǵabdýllin atyndaǵy №3 kóp tilde oqytatyn mektep-gimnaziıasymen «Tilim meniń tirligimniń aıǵaǵy» syndy poetikalyq kesh, №16 orta mektebimen «Óner aldy – qyzyl til» taqyrybymen intellektýaldy saıys jáne «Arna» kolledjimen «Tas júrekti tilimmen tilim dedim» siıaqty qalanyń birqatar oqý oryndarynda ártúrli is-sharalar uıymdastyryldy. Atalmysh oqý oryndarynyń oqýshylary men stýdentteri zor qulshynyspen qatysyp, atsalysty. Is-sharalardyń maqsaty men ózektiligi – memlekettik tildiń mártebesin asqaqtatyp, qoldanys aıasyn keńeıte otyryp, Prezidentimiz Qasym-Jomart Toqaevtyń Qazaqstan halqyna joldaýynda aıtqandaı, qazaq tilin halyqaralyq qatynas tili deńgeıine kóterý.
Memlekettik til – ult tiregi. Uly oıshylymyz, danyshpan Abaı Qunanbaıulynyń kele jatqan 175 jyldyǵy qarsańynda qazaq halqynyń ádebieti men mádenietine, salt-dástúri men tiline álem nazar aýdaryp otyr. Bul turǵyda qazaq tilin halyqaralyq qatynastar tiline aınaldyrý jáne osy jolda eńbek etý – árbir qazaqstandyqtyń paryzy. Osy turǵyda, ásirese, Maǵjan Jumabaev atyndaǵy AOÁǴK-sy siıaqty mekemelerdiń qosar úlesi zor bolmaq.