Saǵadiev Bolat Makejanuly

Saǵadiev Bolat Makejanuly 1955 jyly Tselinograd oblysy (qazirgi Aqmola oblysy) Alekseevka aýylynda kópbalaly, kásibi tóreshi (sýdıa) Mákejan Saǵadievtyń otbasynda dúniege kelgen.
Ákesiniń kásibi qyzmetine baılanysty, ol kezde tóreshilerdiń (sýdıalardyń) árbir 5 jylda aýysýyna baılanysty, ákesi aýdanddyq sotta istegen jerde, Bolat 1 synypqa Shortandy aýylynda bardy.
1965 jyly ákesiniń izimen, Saǵadievter otbasy Stepnogorsk qalasyna kóshti. 1972 jyly Bolat №2 Orta mekteptiń 10 jyldyǵyn bitirdi. Bolattyń anasy úı shaýrasynda boldy, anasynyń qamqorlyǵynyń arqasynda Mákejan Saǵadievtyń segiz balasynyń barlyǵy da mektepti sátti aıaqtap, bilim aldy.
Eńbek jolyn Bolat 1972 jyly mehanikalyq-jóndeý zaýytynda jabdyqtardy jóndeý boıynsha slesarden (temir ustasy) bastady. Kóp jyl boıy Bolat Mákejanuly, erekshe yqylasymen, oǵan kásibiniń qyr syryn tolyq meńgerýdi úıretken, óziniń alǵashqy jetekshisi Vasiliı Nikolaevich Panin týraly jaqsy pikir bildiredi. Kásiporynda 3 jyl isteı otyryp, 1975 jyly Bolat Sovet Armiıasynyń qataryna shaqyryldy. Taldyqorǵannyń radiotehnikalyq polkinde tiesili eki jyldyq qyzmetin ótep shyqty. Áskerden keıin oqýyn Tselinogradtyq injenerlik-qurylys institýtynda jalǵastyryp, 1982 jyly injener-qurylysshy mamandyǵy boıynsha sátti aıaqtap shyqty jáne týǵan jeri Stepnogorsk qalasyna oraldy. Úlestirý boıynsha Stepnogorsk qalasyna PATP tústi.

Leave a Reply

Your email address will not be published.