M.Jumabaev atyndaǵy AOÁǴK-da 2019 jyldyń 9-shy jeltoqsany kúni Alashtyń aıboz jazýshysy Ábish Kekilbaıuly men kórnekti aqyn Fariza Ońǵarsynovanyń týǵanyna 80 jyl tolýyna oraı «Batystyń Qos Shynary» atty shyǵarmashylyq kesh ótti. Is-sharany J.Mýsin atyndaǵy Kókshetaý joǵary qazaq pedagogikalyq kolledji men Sh.Ýálihanov atyndaǵy KMÝ-i janyndaǵy kópsalaly kolledjiniń burymdy stýdentteri Fariza Ońǵarsynovanyń óleńderin oqýmen ashty. Keıin Ábish Kekilbaevtyń ómiri men shyǵarmashylyǵy jaıly Shoqan Ýálihanov atyndaǵy KMÝ janyndaǵy kópsalaly kolledjiniń stýdentteri – Alibekqyzy Danagúl jáne Majitova Merýert baıandama oqysa, Ábish Kekilbaıulynyń arnaý óleńin Amantaı Araılym naqyshyna keltirip, ádebiet súıer qaýymǵa jetkize bildi. «Poeziıanyń perizaty – Fariza Ońǵarsynova» atty beınerolik kórsetilip, kelgen qonaqtardyń kóńilin terbedi. Eki qalamger jaıly tyń derekter aıtyldy.
Kesh barysynda Fariza Ońǵarsynovanyń sózine jazylǵan ánder de shyrqaldy. Atap aıtsaq, sulý boıjetkenimiz Tynhan Nurjamaldyń oryndaýynda «Qyz mahabbaty» áni kórermenniń kóńilinen oryn ala bildi.
Alash ádebietinde «Batystyń Qos Shynary» eshqashan óshpeıtin iri tulǵalar bop qala bermek…
