M.Jumabaev atyndaǵy Aqmola oblystyq ámbebap ǵylymi kitaphanasy 2019 jyldyń 6-shy jeltoqsanynda «Rýhani jańǵyrý» baǵdarlamasyn júzege asyrý aıasynda Sh.Ýálihanov atyndaǵy Kókshetaý memlekettik ýniversitetiniń III kýrs stýdenti, jas jazýshy Tomiris Samatovanyń «Ia pishý dlıa serdtsa i dýshi» taqyrybynda shyǵarmashylyq keshin jáne onyń bes kitabynyń tusaýkeserin ótkizdi. Keshke Aqan seri atyndaǵy mádeniet kolledjiniń stýdentteri, qalanyń №3, №6, №17 mektepteriniń oqýshylary qatysty. Júrgizýshi kesh iesiniń ómirbaıanymen tanystyryp, avtorǵa sóz berdi, Tomiris óziniń shyǵarmashylyǵy jaıynda áńgimelep berdi.
Jap-jas Tomiristiń talanty óz qurby-qurdastaryna, jastarǵa úlgi bolarlyqtaı. Ony kezinde bilim bóliminiń burynǵy basshysy, qazirgi qala ákiminiń orynbasary Beıbit Áıtimuly joǵary baǵa berip, qoldaǵan bolatyn. Tomiris aqyn jazýshylardyń qataryn toltyrýmen birge, jańa lep alyp keldi. Ol fentezi janryna qalam tartýdy jón kórgen. 12 jasynan óleń jazyp talantyn tanytqan ol qazirgi kezde ertek álemine saıahat jasaýdy josparlap júrgenin de sóz etti. Tomiristiń qoldaýshysy – onyń ákesi Samat Iamenuly onyń talapty da jaýapty eńbegi týraly ádemi áńgimelep berdi.
№6 mektep qabyrǵasynan túlegen Tomiristiń synyp jetekshisi Baıbazarova Balysh Áıtenqyzy da keshke qytysyp, igi tilegin bildirdi. Qalanyń túrli oqý oryndarynan qatysqan oqýshylar men stýdentter kitaptarmen aldyn ala tanysyp, ózderiniń pikirlerin bildirdi.
M.Jumabaev atyndaǵy AOÁǴK direktorynyń orynbasary Galina Savenkova Tomiris Samatovanyń búgingi shyǵarmashylyq keshimen quttyqtap, avtormen birge kitaptardyń tusaýyn kesti.
Óz kezeginde Tomiris oqyrmandaryna óz óleńin oqyp berdi. Stýdentter men oqýshylar “Qazaq tilinde kitap jazý oıyńda bar ma?”, “Qandaı avtorlardy oqisyń” degen siıaqty suraqtaryna tuymdy jaýap aldy. Kelgen qonaqtarǵa avtor óz qoltańbasymen kitaptaryn syılady. Kesh óte tartymdy, jandy, áserli ótti. Kesh barysynda kitaphana basshysy men avtor kelisimshartqa qol qoıdy. Aldaǵy ýaqytta Tomiristiń kitaptary elektrondyq nusqaǵa kóshirilip, Ulttyq elektrondyq kitaphanaǵa joldanatyn bolady, osylaısha jas avtordyń týyndylaryn kópshilik oqyrmannyń oqýyna jol ashylmaq.
